ස්නෝවයිට් ඩාක් චොක්ලට් කේක් - Dark Chocolate Cake for Christmas

 

 

ඩාක් චොක්ලට්  කේක්

අවශ්‍ය  ද්‍රව්‍ය :

• පාන් පිටි  කප්   2/3
• කොකෝවා පවුඩර්   1/3
• සීනි  2/3
• බේකින්  සෝඩා  තේහැදි   3/4
• බේකින්  පවුඩර්  ඉතේහැදි   3/4
• ලුණු  චුට්ටක්
• බිත්තර  1
• කිරි කප්  1/4
• තෙල්  මේස හැදි 3 (මම  දැම්මේ  පොල්  තෙල් )
• වැනිලා  තේහැදි  1/2
• (මම  ගත්තෙ  පොඩි  කේක්  එකක ප්‍රමානයන්. ඔයාලට  පුලුවන්  වැඩි කර ගන්න)

සාදන  ක්‍රමය :

සීනි  වලට බිත්තරය දමා හොදින්  මිශ්‍ර  කරන්න.මේකට බීටර්  එකක්  අවශ්‍ය  නෑ.විස්ක් අතින් මිශ්‍ර කරන්න. තෙල්  දමා ගන්න.කිරි ,වැනිලා,ලුණු දමා හොදට මිශ්‍ර කරන්න. පිටි වලට කොකෝවා පවුඩර්, බේකින්  සෝඩා, බේකින් පවුඩර් දමා හලාගෙන එය මිශ්‍රණයට ටික ටික එකතු කරන්න. ට්‍රේ එකක් ගෙන බටර් තවරා ගන්න. දැන් අවන් එක 180 c ප්‍රි හීට් කර ගන්න. විනාඩි 30, 35 බේක් කර නිවා ගන්න. දැන්  තමන්  කැමති  හැඩ කපා කේක් එක මත තබන්න. ඉන් පසු ඊට උඩින් අයිසින්  ශුගර් හලා ගන්න. දැන්  පරිස්සමින් අර හැඩ ටික  ඉවත්  කරන්න. ඔන්න ඉතින්  "ස්නෝවයිට් ඩාක් චොක්ලට් " එක සූදානම්  නත්තල සමරන්නට.

Read More

පාන්,පේස්ට්‍ර් - Bread and Pastries

පාන්,පේස්ට්‍ර්

අවශ්‍ය  වෙන්නේ:                                   

• පාන්  පිටි 500 g                                           
• බටර්  30 g                                                      
• බිත්තර  1                                                      
• ලුනු චුට්ටක්                                                       
• සීනි  50 g                                                         
• කිරි  පිටි තේහැදි  2                                     
• යීස්ට් තේහැදි  1                                                
• මද උනුසුම්  වතුර  ටී කප්  ,3/4 ,1 (එකයි  තුන් කාලක්) 

 සාදන  ක්‍රමය:

මුලින්ම මද උනුසුම් වතුර  කප් 3/4  ගෙන එයට  ඊස්ට්  හා සීනි  දමා  හොඳින්  දිය  කර පිපෙන්නට තබන්න .  පාන් පිටි  ටික හොදට  අනා ගන්න ඉඩ තියන ලෑල්ලක් හෝ බාජනයක්  ගන්න .පිටි  ටිකට ලුනු හා කිරි  පිටි  දමා  හොදින්  මිශ්‍ර  කරන්න .එය මැද වලක් සාදන්න. ඉන් පසු එයට  දිය  කර  ගත්  යීස්ට්   ටික දමා  හොදින්  අනන්න .බටර්  ටිකද එකතු  කරන්න . ඉතිරි  වතුර  ද  ටික  ටික දමා විනාඩි  15 හොඳින්  අනන්න .දැන්  මෙය තෙත  රෙදි කඩකින්  වසා පැයක්  පිපෙන්නට  තබන්න . 

ඉන් පසු  පිටි  මෝලිය දෙගුණයක්  විශාල වී තිබෙනු පෙනේ.නැවත   හොඳින්  අනා ගන්න .අවශ්‍ය  ප්‍රමාණයට බෝල  සාදා  (බෝල  10, 12 ක් සෑදිය  හැක.) මෙයද විනාඩි  10 වසා තබා ඔයිල්  පේපර්  එකක් දමා  ගත් ට්‍රේ  එකකට පිටි  ටිකක් ඉස ඒමතට සාදා  ගත් මාලු  පාන්, පේස්ට්‍ර් ,කිබුල  බනිස් ,බර්ගර්  බන් ආදී කෑම  වර්ග  උඩින් , බිත්තර කහ මදය බ්‍රශ් එකකින් ආලේප  කරන්න .උඩින් සීනි  හෝ,තල ඇට ඉස ගත හැක.  උශ්නත්වය  190c'  ප්‍රි හීට්  කරගත් අවන්  එකක විනාඩි  15 ,20 බේක්"  කරන්න .උශ්නත්වය  සැරෙන් සැරේ බලන්න .අවන්  වර්ග  එකිනෙකට  වෙනස් වන නිසා.  

පාන් සාදන්නේත් මේ  රෙසිපියටමයි.තැටියේ බටර්  ආලේප කරන්න .වෙලාව පැයක්  පමණ  බේක්"  කරන්න.

Read More

ඩම්ප්ලින් Dumpling

‍අවශ්‍ය  ද්‍රව්‍ය :      

• පාන්  පිටි කප් 1                                                     
• හාල්  පිටි කප් 1                                                
• ලුනු  ස්වල්පයක්                                              
• වතුර කෝප්ප  1/4   (මදි නම්  වැඩි කර  ගත හැක)

(මේවා හදන්නේ  පාන්  පිටි  දමා ,මම  හාල්  පිටි එකතු  කලේ හාල්  පිටි  ගුනදායක නිසා /දරුවන්ට පෝෂණයක්  ලැබෙන නිසා)                                                 

දැන්  මෙය අතේ නොඇලෙන පදමට අනා පැයක්  පමණ  තෙත රෙදි කඩකින් වසා තබන්න. ඉන් පසු තමන් කැමති  පිරවුමක් සාදා ගන්න.චයිනීස්  අය නම් මේකට මස් වර්ග ,කිම්චි  වගේ දේවල්  තමයි  පිරවුමට  බාවිතා  කරන්නෙ .මම  දැම්මේ  කහ බතල.ලූනු  කොල බටර්  සමග තෙම්පරාදු කරලා.

දැන්  පිටි  මෝලිය  ඉවතට  ගෙන කුඩා බෝල  වලට කඩා ලෑල්ලට  පාන්  පිටි  ටිකක් ඉස ගෙන ,මෙය පැටිස් හදන ආකාරයට මැදට පිරවුම දමා  අතින්  හැඩකර සාදා  මෙය ෆ්‍රිජ්  එකේ උඩ කොටසේ  තබා අවශ්‍ය  වෙලාවට තෙල් වලින් බැද  ගැනීමට හෝ හුමාලයෙන් තම්බා ගෙන  කෑමට  පුලුවන් 

Read More

කොහිල මෝජු

කොහිල  වලින්  තවත්  රසවත්  කෑමක්  මම  ඔයාලට  ගෙනාවා .ඒ "කොහිල මෝජු " 
 *****අවශ්‍ය  වෙන්නෙ,

•    කොහිල  අල 3ක්
•    අමු මිරිස්  කරල් 10
•    රතු ලූනු ගෙඩි 10,15
•    විනාකිරි  කෝප්ප  1/2
•    මිරිස්  කුඩු  මේසහැදි  2
•    ලුණු අවශ්‍ය  පමණ
•    කහ  ස්වල්පයක්
•    බැදීමට  තෙල්  අවශ්‍ය  පමණ
•    එනසාල්  කරල් 2,3
•    කුරුදු  පොතු කැබැල්ලක්
•    රස අනුව  සීනි  දමා  ගන්න .
•    කරපිංචා  ටිකක්

 සාදන  ක්‍රමය :

කොහිල  දික් අතට සිහින් තීරු  කපා  ගන්න .ලුණු ,කහ අතගා ගැඹුරු  තෙලේ  බැද  ගන්න .ක්‍රිස්පි  ගතියට  එද්දී  ලිපෙන්  බා ගෙන  තෙල්  බේරෙන්න  තබන්න .කරපිංචා බැද  ගන්න .ලූනු හා අමු මිරිස්  උනු ගස්සවා  ගන්න .පැහැය වෙනස්  වෙන්න  පෙර අමු මිරිස්  බාගන්න .දැන්  විනාකිරි  ලිප  තබා  රත්  වෙද්දි එයට  සීනි හා මිරිස්  කුඩු  දමා  ගන්න .දැන්  බැද ගත්  කොහිල ,කරපිංචා,කුරුදු ,එනසාල්   දමා හොදින්  කලවම් කර රස බලා ලිපෙන්  බා ගෙන  නිවෙන්නට  තබා බෝතලයකට  දමා  ගන්න .ගොඩාක්  රසයි මේ කොහිල  මෝජුව.ඔයලත් හදලා මට  රස කියන්නකෝ.

Read More

ඩොනට්ස් - Dough Nuts

 

අවශ්‍ය දෙවල්:

• පාන් පිටි  450g
• යිස්ට් තේහැදි  3 ( 15g )
• මද රස්නේ වතුර  මේසහැදි 10 පමණ
• මෙල්ටඩ් බටර්  / මාජරින්  25 g
• ලොකු බිත්තර  1
• මද රස්නේ කිරි  180 ml
• ( කිරි දානකොට ටික ටික දමා මිශ්‍ර කර ගන්න )
• සිනි  50 g  ( රස අනුව දමා ගන්න )
• ලුණු ටිකක්

මුලින් කප් එකක් අරගෙන එයට යිස්ට් හා පාන් පිටි වලින් මේසහැදි 3 දමා හොදින් කලවම් කර ගන්න .

පසු එයට මද රස්නේ වතුර මේසහැදි 10 ටික ටික දමා හොදට උකුවට මිශ්‍රණයක් හදා ගන්න .( මම එය පික්චර් එකේ දමා තියෙනවා )

පසු මෙසේ හදා ගත් යිස්ට් මිශ්‍රණය විනාඩි 15 පමණ පිපෙන්න තියන්න වසා .

දැන් ඉතිරි පිටි ටික ලොකු බදුනකට දමා එයට සිනි / ලුණු / බිත්තරය / මෙල්ටඩ් බටර් හෝ මාජරින් දමා එයටම හොදින්එර්ඩ් පිපිණු යිස්ට් මිශ්‍රණය දමා කලවම් කර ගන්න .

පසු මද රස්නේ කිරි ටික ටික දමා අතේ ඇලෙන පදමට මිශ්‍රණයක් හදා ගන්න .

දැන් හදා ගත් ඩෝන්ට් මිශ්‍රණය පැයක් තෙත රෙද්දකින් වසා තියා ගන්න .

පැයකට පසු පෙනෙවි ඩෝනට් පිටි මිශ්‍රණය හොදින් පිපිලා තියෙනවා .

පසු ලැල්ලක් මත හොදට පිටි ඉස මේ පිටි මිශ්‍රණය පිටි මතට දමා හොදින් සාමාන්‍ය සයිස් එකට , පිටි ඉස ඉස තුනි කර ගන්න .

පසු ඩෝනට් සයිස් රවුමක් තියා , අවශ්‍ය ප්‍රමාණයට රවුම් කපා , එ කපා ගත් රවුම මැදට නැවත පොඩි බෝතලයක මුඩියක් තියා පොඩි රවුමක් කපා ගන්න .

දැන් මෙලෙස හදා ගත් ඩෝනට් නැවත විනාඩි 15 - 20 පිපෙන්න තියා ගන්න .

තාච්චියකට තෙල් දමා රත් වු පසු අඩු ගින්දරේ තෙල් රත් වෙන්න තියා , හදා ගත් ඩෝනට් දමා ගැඹුරු තෙලේ රන්වන් පාටට බැද ගන්න .

පසු බැද ගත් ඩෝනට් වලට ඔයාලාට කැමති විදියට චොකලට් සෝස් හෝ සිනි දමා සරසා ගන්න ...

( මේ පිටි ප්‍රමාණයෙන් ඩොනට්  15 - 20 හදා ගැනිමට පුලුවනි )

Read More

අඩ

අවශ්‍ය දේ:

• පාන් පිටි 250g
• සීනි 200g (කුඩු කරගත්)
• බිත්තර 1
• බටර් 25g
• පොල් කිරි කෝප්පයක් 
• ලුනු ස්වල්පයක් 
• ඊස්ට් තේ හැඳි 1/4
• ආප්පසෝඩා තේ හැදි 1

 සාදන  ආකාරය:

සීනි, බටර්, බිත්තර හොදින් මිශ්‍ර කර එ‍යට පොල්කිරි එකෙන් බාගයක් හා ලුනු එක් කර හොදින් කලවම් කරන්න.ඊටපසු පිටි දමා හොදින් මිශ්‍ර කරන්න.දැන් ඊස්ට්,ආප්පසෝඩා හා ඉතිරි පොල්කිරි දමා හොදින් කලවම් කරන්න.මේ මිශ්‍රණය රාත්‍රියක් පිපෙන්න තියන්න.පසුව තෙල් ටිකක් ගාලා මෆින් ට්‍රේ(කප් කේක් තැටියට හරි දාන්න.) වල දාලා අවන් එක විනාඩි 10ක් ෆී හීට් කරල විනාඩි 10,15ක් 180c උශ්නත්වයේ බේක් කර ගන්න.

Read More

බිස්කට් HOME MADE COOKEES

අවශ්‍ය ද්‍රව්‍ය :                                         

• පාන් පිටි කප් 3                                                     
• සුදු සීනි කප් 1                                                     
• දුඹුරු  සීනි කප් 1                                                
• බටර්  කප් 3/4                                                          
• බිත්තර  1                                                           
• බේකින්  පවුඩර්  තේහැදි  1                                    
• වැනිලා  තේහැදි  1                                                
• ලුනු තේහැදි  1/2

ක්‍රමය :

මුලින්ම පිටි හා  බේකින්  පවුඩර්  මික්ස්  කරන්න .එයටම  ලුනු  එකතු  කර තබන්න .සීනි  ග්‍රයින්ඩර්  කරගන්න .සීනි බටර් හා බිත්තර  බීට්  කරන්න .දැන්  පිටි  ටික ටික  දමා  හැන්දකින්  කලවම්  කරන්න .මෙවිට යාන්තමට  අතේ ඇලෙන මිශ්‍රණයක් ලැබේ.දැන්  අතින්  හොදට  අනා ගන්න .  එක ලොකු  බෝලයක්  සාදා  ගන්න .  

මීලගට,මෙයින්  කොටසකට මම  චොක්ලට්  චිප්ස්  එකතු  කරා.ඉතිරි  කොටස පේස්ට්‍ර්  ලෑල්ලක හොදට  පිටි  ඉසගෙන කටර් වලින්  බිස්කට්  කපා ගෙන  ඔයිල්  පේපර්  එකකට දමා  ගත්තා .ඊට  පස්සෙ  චොක්ලට්  චිප්ස්  දාපු කොටසත් ඒවගේම  කපා  ගත්තා  විවිධ  හැඩයෙන් .දැන් අවන් එක 170c' උෂ්ණත්වයට ෆ්‍රි හීට්  කරගෙන විනාඩි  20 (වෙලාව වෙනස්  විය හැක.) බේක්  කර ගන්න . 

අන්තර්ජාල  රෙසිපිය  විදියට  හදද්දී  බටර්  වැඩි උනා.මට අයෙ  පිටි  එකතු කරන්න  උනා.වෙලාවට  බිස්කට්  කර වුනේ නෑ .පිටි  මෝලිය  තෙත  වැඩි  නිසා  බිස්කට්  කපාගෙන  ඉවත්  කරන්න  බැරි  වුනා .පස්සෙ  මම  මට  හිතුන විදියට  වෙනස්  කරගෙන  මේවා හැදුවා .ගොඩාක්  රසයි  . හදලා  බලන්න .    

Read More

නීරමුල්ලිය කොළ මැල්ලුම

මුලින්ම  කොල ටික  හොඳින්  සෝදා  වතුර වේලුනාට පසු සිහින්ව  ලියාගන්න. ගාගත්  පොල්  ටිකකට කහ ස්වල්පයක්  , රතු ලූනු ,අමු මිරිස්  කරලක්  දමා සිහින්ව  අඹරා  ගන්න .ලුනු ස්වල්පයක් හා වතුර ඉතා ස්වල්පයක්  දමා අඹරා  ගත් පොල් ටික මුලින්ම  ලිප තබා මැලවෙද්දී එයට ලියා  ගත් කොල  ටික  දමා  ලිපෙන්  බා ගන්න .වැඩි වෙලා කොල දමා මලවන්න එපා.එවිට  පෝෂණ කොටස් විනාශ  වෙනවා.කොල  පාට තිබෙන්නට  මැල්ලුම් ජාති මලවා ගන්න  .නිවුනු  පසු දෙහි ඇඹුල්  ටිකක්  එක් කර ගත හැක.

Read More

ගොටු පිට්ටු

ගොටු පිට්ටු

මෙන්න රෙසිපිය..

හාල් පිටි සහ තැම්බූ පාන් පිටි සම සමව ගන්න.එය ලුනු,පිපුම් කාරකයක්, ප්ලම්ස්, කජු,කැමතිනම් සූදුරු, දමා ආප්ප පදමට අනා ගන්න.එය පැය දෙකක් පමන පිපෙන්න තබන්න.පිටි කිලෝ එකකට සාමාන්‍යෙන් පිපුම් කාරක තේ හැදි බාගයක් වගේ දම්මම ඇති.ප්‍රමානය වැඩි උනොත් ඉක්මනින් පිපෙවි.ආප්ප සෝඩා යීස්ට් වගේ දේවල් පාවිච්චි කරන්න පුලුවන්.

පිපුන පසු පැනි පොල් සාදා එයට මිශ්‍ර කරන්න. කොස් කොල වලින් හැදූ කුඩා ගොටු වලට මිශ්‍රනයෙන් ටික ටික දමා ස්ටීම් කරන්න

අපි පිටි කිලෝ දෙකකින් මේවා 70 විතර හැදුවා. පිපුම් කාරක නොදා පැය පහක් පමන තිබ්බා.

Read More

කොහිල Cutlets (Kohila Cutlets)

 අවශ්‍ය  ද්‍රව්‍ය:                

• කොහිල අල දෙකක්
• කැරට් අල 1/2
• අමු මිරිස්  කරල් 2
• සිහින්ව කපා ගත් ලොකු ලූනු  ගෙඩි 1
• මිරිස්  කුඩු  තේ හැදි  1/2                                  
• කහ කුඩු  ස්වල්පයක්
• ලුනු  අවශ්‍ය  පමණ
• තරමක අල ගෙඩියක්  තම්බා පොඩි  කර ගන්න
• තුනපහ  කුඩු  තේහැදි  1/2
• බැදීමට  තෙල්  අවශ්‍ය  පමණ
• සිහින්ව  කපා ගත් කරපිංචා  කොල  කිහිපයක්
• ලියා ගත් උම්බලකඩ  මේස හැන්දක්
• ලොකු  ලූනු  ගෙඩියක්  සිහින්ව  ලියා  ගන්න
• පාන්  පිටි  ටිකක්  ,බිස්කට්  කුඩු  ටිකක්
• බිත්තර 2 බීට්  කරගන්න

සාදන ආකාරය :                               

කොහිල  අල  පොතු  හැර සෝදා කොටු ආකාරයට   කුඩා කැබලි  කපා ගන්න .  . ලුනු  කුඩු ,කහ කුඩු  දමා ගැඹුරු  තෙලේ  බැද  ගන්න .  තෙල්මේස හැන්දක්  පමණ ලිප  තබා එයට ,  කපා ලොකු ලූන ,.කරපිංචා,උම්බලකඩ ,තුනපහ  කුඩු ,,තම්බා  පොඩි කර ගත් අල ,බැද  ගත් කොහිල දමා තෙම්පරාදු  කර  ගන්න .ලුනු  අවශ්‍ය  පමණ  දමා ලිපෙන්  බා ගන්න . දැන් නිවුනු  පසු කුඩා බෝල  සාදා මෙය පාන්  පිටිවල දවටා,බිත්තර  සාරු වල දවටා , බිස්කට් කුඩු ,දවටන්න . .මෙය දෙපාරක්  ඒලෙසට දවටා ගෙන ගැඹුරු  තෙලේ  බැද  ගන්න .   මෙය  නොකන අයට  මේවිදියට  සාදා  දුන් විට රස කර කර කනවා නොඅනුමානයි .  දානයකට  නම් උම්බලකඩ  එක් කර නොගැනීමෙන්  නිර්මාංශ  ආහාරයක්  ලෙසද සකස්  කර ගත හැක.  හැමදාම  කන කොහිල  වෙනස්  විදියකට  සාදා  රස බලන්න .ටිකක්  විතර  මහන්සයී  උනාට  කොහිල  නොකන අයට  කොහිල කවන්න  .ඔන්න  මම   දෙවැනි මැජික්  එකත්  ගෙනාවා.

Read More

විප් ක්‍රීම්

***විප් ක්‍රීම්  සාදා  ගැනීම :
විපින් ක්‍රීම්  කප් එකක්
අයිසින්  ශුගර්  ස්වල්පයක්

***සාදන  ක්‍රමය :
විපින්  ක්‍රීම්  සාදන  බාජනය විනාඩි  10ක් ප්‍රිජ්  එකේ දමා  හොදින් කූල්  කරගෙන විපින් ක්‍රීම්  දමා හයිස්පීඩ්  බීට්  කරන්න .ටික  ටික අයිසින්  ශුගර්  දමමින්  බීට්  කරන්න විනාඩි  5,6 බීට්  කර ගත්  පසුව  අනෙක්  පැත්ත හැරවූ විට බිමට නොවැටේ.ඒක තමයි  හරි පදම .දැන්  කැමති  ලෙස නොසල් බාවිතා  කර අයිසින්  කර ගත හැකිය .

Read More

වන්ඩු ආප්ප

අවශ්‍ය  දේවල් :                                          

• හාල් පිටි කප් 2                                              
• පාන්  පිටි කප් 1/2                  
• දුඹුරු සීනි  කප් 1(අවශ්‍ය  පරිදි  අඩු වැඩි කර ගන්න )
• ලුනු  ස්වල්පයක්                                          
• උකුපොල්  කිරි  කෝප්ප  1/4                     
• වර්ණය ලබා ගැනීමට  සීනි  කැරමල් කර  ගන්න                                                 
• යීස්ට්  තේ හැදි 1/4                                           
• සිහින්ව අඹරා  ගත් පොල් මේස හැන්දක්                                                   
• කැන්ද කොල ,කෙසෙල්  කොල,කොස් කොල බාවිතා  කල හැක.එයට අමු පොල් කොල  ඉරටු හෝ ටූත් පීක් ගසා ගොටු සාදා ගන්න .

සාදන අයුරු :

හාල් පිටි, පාන් පිටි සීනි කැරමල්, පොල්  කිරි  එකතු කරන්න. පොල් ටිකඑකතු කරන්න. සීනි  ස්වල්පයකට යීස්ට්  ටික මද  උනුසුම් වතුර ස්වල්පයකට  දමා  හොඳින්  දිය  කර ඉහත මිශ්‍රණයට  එකතු  කරන්න .ලුනු  එකතු  කරන්න .මෙය  ආප්ප  මිශ්‍රණයට  වඩා ගන කම් විය යුතුය .පැය  5 වත් පිපෙන්නට  තබා  මිශ්‍රණය  ගොටු වලට දමා හුමාලයෙන්  තම්බා ගන්න.

වෙනස්කම්  කලේ පොල්  ස්වල්පයක්  අඹරා එකතු කලා.  කෙසෙල්  කොල කපා ගොටු සකස් කලා.පිට  රට ඉන්න අයට මේ දෙකම නැති  නිසා දුක් වෙන්න එපා මිදි කොල ගොටු සකස්  කර හදා ගන්න .

Read More

මුරුන්ගා කොල දාපු ඉස්සො කරිය

 

මේකෙනුත් ටිකක්  අරගන්න ලන්ච් එකට."මුරුන්ගා කොල  දාපු ඉස්සො  කරිය" මම  නම් වෙන දෙයක්  හදන්නෙ නෑ .මේකට බාස්මතී රයිස්  එකක්  හොදටම  ඇති

මෙන්න  රෙසිපිය

• හිස ඉවත්  කර හොදින් සෝදා  ගත් ඉස්සන්  200g
• මුරුන්ගා  කොල  ටිකක්
• ලියා ගත් ලොකු  ලූනු  ගෙඩි 1
• සිහින්ව  ලියා  ගත් සුදු  ලූනු   ගෙඩි 3
• අමු මිරිස්  කරල් 2
• තක්කාලි  ගෙඩි 1
• මිටි කිරි  හා දිය  කිරි  කෝප්ප 1 බැගින්
• අබ තේ හැන්දක්                                                                       
• ලුනු කුඩු ,මිරිස්  කුඩු  හා තුනපහ  කුඩු රස අනුව                                       
• කහ ස්වල්පයක්                          
• කුරුදු  පොතු කැබැල්ලක්
• තෙල් මේස හැන්දක්

සාදන  ආකාරය 

පෑන් එකක්  ලිප තබා තෙල් ටික රත් වෙද්දී  එයට සුදු  ලූනු  ,අබ .ලොකු  ලූනු හා ඉස්සන්  එකතු කර බැද ගන්න .මෙයට මිරිස්  ඇතුළු  අනෙකුන්  කලමනා ටිකද එකතු  කර ( තක්කාලි ,මුරුන්ගා  කොල හැර) දිය  කිරි  කෝප්ප  1 දමා   මද  ගින්නේ උයා ගන්න .දිය  කිරි  හිදෙද්දි මිටි කිරි  දමා ටික වෙලාවක්  උයා ගන්න .අවසානයේ  තක්කාලි ,මුරුන්ගා  කොල , රම්පේ ,කරපිංචා  එකතු  කර, ලුනු  බලා ලිපෙන්  බා ගන්න .මෙයට ඇත්තටම  වෙනත්  කරි අවශ්‍ය  නෑ .සුදු සම්බා.බාස්මතී  බත්  සමග  රස  විදින්න .

Read More

කොහිල බෝල්ස් කිරට Kohila balls

කොහිල  කියන්නෙ  කිසිම රසායනික  පොහොරක්  බාවිතා  නොකර ජලය ආශ්‍රිතව  වැවෙන  ඉතාම  ගුනදායක ආහාරයක් ,මගේ ගෙදරත්  පුංචි  කොහිල  වලක් තියනවා .මගේ දරුවන්ට  හැකි සෑම   විටම අල,දලු,වෙනස්,වෙනස් ආකාරයෙන් මම  උයල දෙනවා.ඉතින්  මට හිතුනා ඒ කොහිල  වලින්  මම  උපරිම  ප්‍රයෝජන  ගන්න  ඕන  කියල .ඉදිරියට මේ කොහිල  හදන විදි කිහිපයක්ම මම  ඔයාලට ඉදිරිපත්  කරන්න   ඕන  කියල  හිතුවා.මේ  අද ගෙනාපු  "කොහිල  බෝල්ස්  කිරට "   රෙසිපිය  තමයි  මේ ,                            

කොහිල  බෝල සෑදීමට  අවශ්‍ය  ද්‍රව්‍ය  :                                                

• කොහිල අල දෙකක්                                                  
• සිහින්ව කපා ගත් ලොකු ලූනු  ගෙඩි 1                                             
• චොප්  කර ගත්  සුදු ලූනු  ගෙඩි 1     
• මිරිස්  කුඩු  තේ හැදි  1/2                                 
• කහ  කුඩු ස්වල්පයක්                                                
• ලුනු  අවශ්‍ය  පමණ                                        
• අබ තේහැදි  1/4                                                
• චොප්  කර ගත් සුදු ලූනු  ගෙඩි 1                                                
• තරමක  අල ගෙඩියක්  තම්බා පොඩි  කර ගන්න .                                       
• තුනපහ  කුඩු  තේහැදි  1/2                                                                                                
• බැදීමට  තෙල්  අවශ්‍ය  පමණ         
• සිහින්ව  කපා ගත් කරපිංචා  කොල  කිහිපයක්                                         
• ලියා ගත් උම්බලකඩ  මේස හැන්දක්  
• පාන්  පිටි  ටිකක්                 

සාදන ආකාරය :                                           

කොහිල  අල  පොතු  හැර සෝදා  කුඩා කැබලි  කපා ,වංගෙඩියකින් හෝ ග්‍රයින්ඩර්  එකකින් කොටා ගන්න . ලුනු  කුඩු ,කහ කුඩු  දමා  පසෙකින්  තබන්න .  තෙල්මේස හැන්දක්  පමණ ලිප  තබා එයට , අබ ටික දමා  පුපුරද්දී කපා ගත් සුදු  ලූනු , ලොකු  ලූනු දමා ගන්න . කරපිංචා ,  උම්බලකඩ ,තුනපහ  කුඩු ,,තම්බා  පොඩි කර ගත් අල ,කොටා  ගත් කොහිල  දමා තෙම්පරාදු  කර  ගන්න .ලුනු  අවශ්‍ය  පමණ  දමා ලිපෙන්  බා ගන්න . 

දැන් නිවුනු  පසු කුඩා බෝල  සාදා මෙය පාන්  පිටිවල දවටා ගැඹුරු  තෙලේ  බැද  ගන්න . දැන්  කොහිල  බෝල්ස් සාදා  අවසානයි.

ඉන් පසු සාමාන්‍ය  කිරි හොදි සාදන  ආකාරයටම කිරි  හොද්දක් සාදා  එය හොදින් නටාගෙන  එද්දී   සාදා  ගත් බෝල  ටික එයට දමා  ලිපෙන්  බා ගන්න .දෙහි ඇබුල් චුට්ටක්  දමා හැන්දෙන්  හැදි  නොගා හට්ටිය සොලවන්න.මෙය රස්නෙ පිටම ආහාරයට  එක් කර ගැනීම වඩා සුදුසුය.ඉතාම  රසවත් ව්‍යංජනයකි .දානයකට  නම් උම්බලකඩ  එක් කර නොගැනීමෙන්  නිර්මාංශ  ආහාරයක්  ලෙසද සකස්  කර ගත හැක.                                                                

 හැමදාම  කන කොහිල  වෙනස්  විදියකට  සාදා  රස බලන්න .ටිකක්  විතර  මහන්සයී  උනාට  කොහිල  නොකන අයට  කොහිල  කවන්න.

Read More

කිරි අගුන කොළ සම්බෝලය

කිරි  අගුන  කොල  ටිකක් ගෙන  හොඳින්  සෝදා  වතුර වේලුනාට පසු සිහින්ව  ලියාගන්න.මෙයට ගාගත්  පොල්  ටිකක් , රතු ලූනු ,අමු මිරිස්  කරලක්,ලුනු ස්වල්පයක් ,උම්බලකඩ ටිකක් හා දෙහි දමා යන්තමින් කලවම්  කරන්න .වැඩිය අතින් අනා පොඩි කරන්න  එපා එතකොට  තිත්ත රස වැඩි  වෙනවා .

Read More

කොස් මැල්ලුම්

 

 

කොස් ගෙඩියක්  ලැබුනා,හැබැයි  හොදට  පැහිලා නෑ .ඒකෙන් හැදුවා  කොස් මැල්ලුමක් .හොදට  රසයි .කොස් ටික පොඩියට  කපා ගෙන ඒකට වතුර  ටිකක් දාලා ,කහ,මිරිස් ,ලුනු  දාලා  තැම්බෙද්දි ,පොල් වලට අබ,ගම්මිරිස් ,සුදු  ලූනු ,රතු  ලූනු,කුරුදු  පොතු කැබැල්ලක් අඹරලා කොස් වලට කලවම්  කලා.රම්පෙ ,කරපිංචා  දාලා පොල් ටික  මැලවෙද්දී ලිපෙන්  බා ගත්තා .කොස්පැහිලා  නෑ  කියල  හොයන්නත්  බෑ.

Read More

Ice cream flash

     

                                 

• මිල්ක් මේඩ් පොඩි  ටින්  1                           
• සීනි  මේස හැදි  2                                                
• චොක්ලට්  පවුඩර්  තේ හැදි  2                                   
• වතුර  ස්වල්පයක්                                               
• බිත්තර  2                                                       
• විප් ක්‍රීම්  මේස හැදි  1                                       
• වැනිලා  තේ හැදි  1                                                  
• අයිසින්  සීනි  මේස හැදි  1                  
• ෆ්‍රෙශ්  මිල්ක්  කප්  1          

හදන්නෙ  මෙහෙමයි                                  

මුලින්ම සීනි මේස හැදි  1 ක් කැරමල්  කර රවුම්  තැටියකට දමා ගන්න .වතුර  ස්වල්පයක්   ලිප  තබා එයට චොක්ලට්  පවුඩර්  ටික හා ඉතිරි  සීනි  හැදි  1 දමා හොඳින්  උනුකර චොක්ලට්  සෝස්  එක සාදා ගන්න .මෙය කැරමල්  දා ගත් ට්‍රේ  එකටම දමා ෆ්‍රිජ්  එකට දාන්න .                

දැන්  මිල්ක්  මේඩ් හා බිත්තර  කහමද ,ෆ්‍රෙශ්  මිල්ක් ලිප  තබා උනු කරන්න .යාන්තම්  ගන වේගෙන  එද්දී  ලිපෙන්  බා ගන්න .දැන්  බිත්තර සුදු  මද  හොඳින්  බීට්  කර වැනිලා  එක් කරන්න .මෙයට අයිසින්  සීනි  එකතු  කර බීට්  කරන්න .විප් ක්‍රීම්  එකතු  කර  බීට්  කරන්න .ඉන් පසු කලින්  සාදා  ගත් මිල්ක් මේඩ් මිශ්‍රණය  මෙයට හැන්දකින්  හොදට  මිශ්‍ර කරන්න  .ඉන් පසු කැරමල්  දා ගත් ට්‍රේ  එකට මේ මිශ්‍රණය  දා ගන්න .ඉන් පසු පැය  5 ක් වත් ෆ්‍රිජ්  එකේ උඩ කොටසේ  තබා කෑමට ගැනීමේදී  චොක්ලට්  සෝස්  ටිකක්  උඩින්  දමා අලංකාර  කර ගන්න .(ඉහතින් සදහන් කලා .සාදන  ආකාරය ) ඉතා රසවත්  අතුරුපසක්.

මම හැදුවේ  පළමු වතාවටයි .මෙය උපුටා  ගැනීමේදී  ප්‍රමානයන් සදහන්  උනේ නෑ .මම  මේ සියල්ල  සකසා ගෙනයි හැදුවේ .එකින් එක මතක්  කරගෙන මේ රෙසිපිය  නිර්මාණය  කරන්න  වෙලාවක් ගත වෙනවා.ඒක  නිසා  ඉක්මනින්  රෙසිපිය  දාන්න  බැරිවෙනව .ඔයාලත්  හදලා  බලන්න .මේක  අයිස්ක්‍රීම්  එකක් වගේ.

Read More