‍රාබු කොළ තෙල් දැමීම - Radish Tempered

 

• හොදින්  සෝදා  ලියාගත්  රාබු  කොළ අවශ්‍ය  පමණ
• ලොකු  ලූනු  ගෙඩි  1
• සුදු  ලූනු   ගෙඩි 3
• අමු  මිරිස්  කරල් 2
• අබ තේහැදි
• තෙල්  ස්වල්පයක්
• උම්බලකඩ  ස්වල්පයක්
• කැමති  නම්  කපා ගත්
• තක්කාලි  ගෙඩියක් 
• රම්පේ ,කරපිංචා
• ලුණු  අවශ්‍ය  පමණ

සාදන  ක්‍රමය :

පෑන් එකක්  ගෙන  තෙල්  ටිකක් දමා  ලිප  තබන්න.එයට  අබටික දමා  පුපුරද්දී සුදු ලූනු, ලියා ගත්  ලොකු ලූනු ගෙඩියක් ,අමුමිරිස් ,උම්බලකඩ ,තක්කාලි,රම්පේ ,කරපිංචා හා රාබු  කොළ  දමා  වතුර  හිදෙන තෙක් හොදින්  මලවා ගන්න .ලුණු  අවශ්‍ය  පමණ යොදා  ලිපෙන් බා ගන්න .

Read More

කඩල කරිය - Grams curry

 

අවශ්‍ය  ද්‍රව්‍ය :

• තම්බා ගත් කඩල කෝප්ප  2
• ලියා ගත් රතු ලූනු  ගෙඩි  4,5
• චොප් කර ගත් සුදු  ලූනු ගෙඩි  3
• අමු තුනපහ  තේහැදි  1
• උලුහාල්  කුඩු  තේහැදි  1/4
• කුරුදු  පොතු කැබැල්ලක්
• මිටි කිරි  හා දිය  කිරි  කෝප්ප  1 බැගින්
• ලියා ගත්  අමු මිරිස්  කරල් 2
• අබ තේහැදි 1
• රම්පේ ,කරපිංචා
• තෙල් ස්වල්පයක්
• ලුණු  අවශ්‍ය  පමණ
• කහ ස්වල්පයක් 

සාදන  ක්‍රමය :

පෑන්  එකට තෙල්  ටිකක්  ලිප  තබා එය රත් වෙද්දි එයට අබ ,සුදු  ලූනු .රතු ලූනු රම්පෙ ,කරපිංචා  දමා  බැද  ගන්න .දැන්  තෙල්  බේරා මේටික බාජනයකට  ඉවත්  කර  ගන්න .ඉන් පසු කඩල  ටික දමා  ගන්න .දිය  කිරි  ටික  දමා  ඉතිරි  කලමනා  ටික එකතු  කරන්න .දිය  කිරි  ටික  හිදීගෙන එද්දී  මිටි කිරි  එකතු  කර හොදට  නටාගෙන එද්දී කලින්  බැද ගත් අබ,ලූනු  ටික  එකතු  කර ලුණු  රස බලා ලිපෙන්  බාගන්න .

Read More

ගොටු කොළ සම්බෝලය - Gotu Kola Sambola (Salad)

 

අවශ්‍ය  වෙන්නේ :

• සිහින්ව  ලියාගත්  ගොටු කොළ මිටියක්
• අමු මිරිස්  කරල් 2
• රතු ලූනු ගෙඩි  5,6
• උම්බලකඩ  ස්වල්පයක්
• ගාගත්  පොල්  ටිකක්
• ලුනු අවශ්‍ය  පමණ
• දෙහි ගෙඩියක යුශ

සාදන  ක්‍රමය :

මේ සියල්ල  එකට දමා  හොදින් කලවම් කර ගන්න .ලුණු  දැමීමේදී  කල්පනාකාරී වෙන්න .ලුනු  වැඩි කර ගන්න  එපා.රසවත් ,ගුනදායක  ගොටු කොළ සම්බෝලය ඕනෑම  බත් වර්ගයක්  සමග රස විදීමට  හැකිය .

Read More

මුරුන්ගා බැදුම -Drumstick Tempered

 

 

• මුරුන්ගා කරල් දෙකට පලා මද හා ඇට පිහියකින්  සූරලා  ගන්න.           
• ලොකු ලූනු ගෙඩියක්  හෝ දෙකක්  සිහින්ව  ලියා ගන්න .                                    
• කූනිස්සන්  50g හොදින්  සෝදා  වතුර  ඉවත්  කර ගන්න .                                         
• තක්කාලි  ගෙඩියක්  සිහින්ව  කපා ගන්න .                                                             
• අමු මිරිස්  කරල් 2 ලියා ගන්න .                   
• සුදු  ලූනු  බික් 3 ක්  සිහින්ව  කපා ගන්න                                                             
•  කරපිංචා ,රම්පෙ සහ බැදීමට  තෙල්           
• වතුර  ස්වල්පයක්                                               
• කෑලි මිරිස්  තේ හැදි  1 1/2,හෝ 2         
• කහ ස්වල්පයක් , ලුනු ස්වල්පයක්

සාදන  ආකාරය:                  

මුලින්ම  තෙල්  ටික ලිප  තබා එයට  කූනිස්සන් ටික හොදින්  බැද  ගන්න.එයට  සුදු  ලූනු  ,ලොකු ලූනු,දමා  බැද ගන්න .මෙයට  කහ,ලුනු  ,කෑලි මිරිස් ,රම්පෙ ,කරපිංචා  ,ලියා ගත්  අමු මිරිස් දමාගන්න.සූරා ගත් මුරුන්ගා  එකතු කරන්න .දැන්  වතුර  ස්වල්පයක්  එක් කර  පියන වසා විනාඩි  6,7 පමණ  හොදින්  තැම්බෙද්දි ,එයට  තක්කාලි  එකතු  කර අඩිය  යාන්තමට  අල්ලාගෙන  එද්දී .ලිපෙන්  බා ගන්න  ලුනු බලා.මෙය ඉතාම  රසවත්  බැදුමක් .ඔයාලාත්  හදලා  බලන්න.

Read More

කොස් මදුළු පිරවුම - Jack Stuffed

 

  
අවශ්‍ය  ද්‍රව්‍ය :

•  හොදට  පැසුනු ගනකම් ඇති  කොස් මදුළු අවශ්‍ය  පමණ
• සැමන් හෝ මාලු තම්බා  පොඩි කර ගත්
• තම්බා  කොටා ගත් කොස් ඇට කිහිපයක්
• රතු  ලූනු  ගෙඩි  කිහිපයක්
• කැරට්  අල 1/2 ග්‍රේට්  කර  ගත්
• කපාගත්  ලුනු කොළ  ටිකක්
• තම්බා පොඩි  කර ගත්  අල ගෙඩියක්
• පාන්  පිටි  ටිකක්
• ලුණු  අවශ්‍ය  පමණ
• ලියා  ගත් කරපිංචා කොල  ටිකක්
• බැද  ගැනීමට  තෙල්  අවශ්‍ය  පමණ
• බටර්  මේසහැදි  1
• කෑලි මිරිස්  තේහැදි 1/2
• ගම්මිරිස්  කුඩු  ස්වල්පයක්
• එනසාල්  කරල් 2

සාදන  ක්‍රමය :

වතුර  ටිකක්  ලිප  තබා හොදට  නටන්නට  තබන්න .කොස් මදුළු දෙකට වෙන් නොවන සේ, පරිස්සමින් ඇට  ඉවත් කර ගන්න .නටන වතුරට ලුණු  කැට ටිකක්  දමා ,එයට  කොස් මදුළු  ටික දමා  විනාඩි  3 පමණ තම්බා  වතුර  බේරෙන්න  තබන්න . තෙල්  ටිකක් ලිප  තබා එයට  බටර්  එකතු  කර රත් වෙද්දි ,ලූනු  ටික දමා  බැදෙන්නට  හරින්න.පාන්  පිටි  හැර අනෙක්  සියල්ල එකතු  කර බැද  ගන්න .ලුනු  සහ මිරිස් කැමති  ලෙසට  අඩු වැඩි කරගන්න .ඉන්  පසු ගන්න . හැන්දකින්  මේ මිශ්‍රණය කොස් මදුළු  ඇතුලට  පුරවා  තද  කර කොස් මදුළ සම්පූර්ණයෙන්  වසා ගෙන එය පාන්  පිටි  වල දවටා ගැඹුරු  තෙලේ   රන්වන්  පාට වනතෙක් බැද ගන්න .හැමදාම  කොස්  එකම විදියට  සාදා  ගන්නෙ නැතිව  මේ විදියටත්  හදලා  රස බලන්න .

Read More

කංකුං ෆ්‍රයිඩ් රයිස් - Kangkung Fried rice

 

 

 

අවශ්‍ය  ද්‍රව්‍ය :

• උයා ගත් සම්බා හෝ බාස්මතී  රයිස්  කප් 2
• ලොකු ලූනු  ගෙඩි 1/2
• චොප් කර  ගත් සුදු ලූනු  තේහැදි  1 බැගින්
• ග්‍රීන්  චිලි  පේස්ට්  තේහැදි  1
• ලුණු  රස අනුව  ලුණු
• චිලි පේස්ට්‍  තේහැදි  1 1/2
• තක්කාලි  සෝස් තේහැදි  1
• කොටු ආකාරයට  සිහින්ව  කපා ගත්  කැරට්  ස්වල්පයක්
• කොටුවට  කපා ගත්  තක්කාලි  ගෙඩි  1/2
• බටර්  තේහැදි 1,2
• තෙල්  ස්වල්පයක් .
• සැරසීමට,තම්බා  පෙති  කපා ගත්  බිත්තර ,තක්කාලි  පෙති  කිහිපයක් . කැමති  ඕනෑම එළවළු  වර්ග

සාදන  ක්‍රමය :

මුලින්ම තෙල් ටිකක්  ලිප  තබා ,එයට බටර්  එකතු  කර ,ලොකු  ලූනු  බැදෙන්නට  හරින්න.ඉන් පසු එයට සුදු  ලූනු,ග්‍රීන්  චිලි  පේස්ට්‍ (අමු මිරිස්  කරල් 4,5 වතුර  ස්වල්පයක්  දමා  බ්ලෙන්ඩර්  කර පේස්ට්‍  එක සාදා  ගන්න )  චිලි  පේස්ට්‍ ,තක්කාලි  සෝස් දමා  ගන්න .බත්  ටික  එයට  දමා ,ලුණු  එකතු  කරන්න .දැන්  කැරට් ,තක්කාලි ටික  දමා  හොදට  ෆ්‍රයි වෙද්දී ,එයට කපාගත් කංකුං ටික එකතු කරන්න . අවසානයට ලුනු   බලා, ඉන් පසු තමන්  කැමති  විදියට  මෙය සරසා ගත හැකිය .මම මේ රෙසිපිය එක් පුද්ගලයකු  සදහා  තමයි සැකසුවේ .

ඔයාලට  පුලුවන් අවශ්‍ය ප්‍රමානයට වැඩි  කරගන්න .මෙය බිත්තර  ඉවත්  කර සරසා ගත් විට වෙජිටේරියන් කෙනෙකුට  වුවත් ආහාරයට  ගත හැකි රසවත්  බත්  එකකි. මෙයට  චිකන් ඩෙවල් එකක් හෝ චිලි  චිකන්  එකක් වඩාත්  ගැලපෙනවා .තමන් කැමති  මස්,මාලු  වර්ගයක්  උනත් එක් කර ගෙන  රස විදින්න.

Read More

නිවිති ෆ්‍රයිඩ් රයිස්- Spinach Fried Rice

 

 

නිවිති  ෆ්‍රයිඩ්  රයිස්

අවශ්‍ය  ද්‍රව්‍ය :

• උයා ගත් සම්බා හෝ බාස්මතී  රයිස්  කප් 2
• ලොකු ලූනු  ගෙඩි 1/2
• චොප් කර  ගත් සුදු ලූනු  ,ඉගුරු තේහැදි  1 බැගින්
• ග්‍රීන්  චිලි  පේස්ට්  තේහැදි  1
• ලුණු  රස අනුව  ලුණු
• කොටු ආකාරයට  සිහින්ව  කපා ගත්  කැරට්  ස්වල්පයක්
• කොටුවට  කපා ගත්  තක්කාලි  ගෙඩි  1/2 බටර්  තේහැදි 1,2
• තෙල්  ස්වල්පයක් .
• සැරසීමට  නිවිති කොළ,තම්බා  පෙති  කපා ගත්  බිත්තර ,තක්කාලි  පෙති  කිහිපයක් . කැමති  ඕනෑම එළවළු  වර්ග

සාදන  ක්‍රමය :

මුලින්ම තෙල් ටිකක්  ලිප  තබා ,එයට බටර්  එකතු  කර ,ලොකු  ලූනු  බැදෙන්නට  හරින්න.ඉන් පසු එයට සුදු  ලූනු, ඉගුරු ,ග්‍රීන්  චිලි  පේස්ට්‍ (අමු මිරිස්  කරල් 4,5 වතුර  ස්වල්පයක්  දමා  බ්ලෙන්ඩර්  කර පේස්ට්‍  එක සාදා  ගන්න )  බත්  ටික  එයට  දමා ,ලුණු  එකතු  කරන්න .දැන්  කැරට් ,තක්කාලි ටික  දමා  හොදට  ෆ්‍රයි වෙද්දී ,එයට කපාගත් නිවිති  කොළ  ටික එකතු කරන්න .අවසානයට ලුනු   බලා, ඉන් පසු තමන්  කැමති  විදියට  මෙය සරසා ගත හැකිය .මම මේ රෙසිපිය  එක් පුද්ගලයකු  සදහා  තමයි  සැකසුවේ.ඔයාලට  පුලුවන් අවශ්‍ය  ප්‍රමානයට වැඩි  කරගන්න .මෙය බිත්තර  ඉවත්  කර සරසා ගත් විට වෙජිටේරියන් කෙනෙකුට  වුවත් ආහාරයට  ගත හැකි රසවත්  බත්  එකකි.වෙජිටබල්  චොප්සියේ එකක්  සමග  ගැලපෙනවා .තමන් කැමති  මස්,මාලු  වර්ගයක්  උනත් එක් කර ගෙන  රස විදින්න .

Read More

ඉස්සන් මිශ්‍ර ,ලූනු කොළ ෆ්‍රයිඩ් රයිස් Onion leaves fried rice with Prawns

 

 

ඉස්සන්  මිශ්‍ර ,ලූනු  කොළ  ෆ්‍රයිඩ්  රයිස්

අවශ්‍ය  ද්‍රව්‍ය :

• උයා ගත් සම්බා හෝ බාස්මතී  රයිස්  කප් 2
• ලොකු ලූනු  ගෙඩි 1/2
• සුදු ලූනු  ,ඉගුරු පේස්ට්‍ තේහැදි  1 බැගින්
• ග්‍රීන්  චිලි  පේස්ට්  තේහැදි  1
• තක්කාලි  සොස් තේහැදි  1
• ලුණු  රස අනුව  ලුණු
• කොටු ආකාරයට  සිහින්ව  කපා ගත්  කැරට්  ස්වල්පයක්
• තරමක් දිගට කපා ගත්  ලූනු   කොල  ටිකක්
• එනසාල් කරලක්
• කොටුවට  කපා ගත්  තක්කාලි  ගෙඩි  1/2
• බටර්  තේහැදි 1,2
• තෙල්  ස්වල්පයක් .
• බැද  ගත් ඉස්සන්  4,5
• සැරසීමට  ලූනු කොල  ස්වල්පයක්,පාස්ලි හෝ කැමති  කොළ  ජාති, තක්කාලි  පෙති  කිහිපයක් . කැමති  ඕනෑම එළවළු  වර්ග හෝ

සාදන  ක්‍රමය :

මුලින්ම තෙල් ටිකක්  ලිප  තබා ,එයට බටර්  එකතු  කර ,ලොකු  ලූනු  බැදෙන්නට  හරින්න.ඉන් පසු එයට සුදු  ලූනු, ඉගුරු ,ග්‍රීන්  චිලි  පේස්ට්‍ (අමු මිරිස්  කරල් 4,5 වතුර  ස්වල්පයක්  දමා  බ්ලෙන්ඩර්  කර පේස්ට්‍  එක සාදා  ගන්න )  බත්  ටික  එයට  දමා ,ලුණු එකතු කරන්න.

දැන් තක්කාලි  සෝස් ,එනසාල් , කැරට් ,   තක්කාලි ටික  දමා  හොදට  ෆ්‍රයි වෙද්දී එයට ලූනු  කොළ ටික එකතු කරන්න .අවසානයට ලුනු   බලා, ඉන් පසු තමන්  කැමති  විදියට  මෙය සරසා ගත හැකිය .

මම ඉස්සන්  බත්  එක උඩින්  දමා  සරසා ගත්තා. මේ රෙසිපිය  එක් පුද්ගලයකු  සදහා  තමයි  සැකසුවේ.ඔයාලට  පුලුවන් අවශ්‍ය  ප්‍රමානයට වැඩි  කරගන්න චට්නි  වර්ග හෝ.තමන් කැමති  මස්,මාලු  වර්ගයක්  උනත් එක් කර ගෙන  රස විදින්න.

Read More

හාල් පිටි කේක් Rice flour cake

හාල් පිටි කේක්

• හාල්  පිටි 225 g                                                       
• බිත්තර  2                                                           
• සීනි  250 g                                               
• බේකින්  පව්ඩර්  තේ හැදි  2                            
•  කිරි  පිටි  මේස හැදි  2                                      
• ලුනු  චුට්ටක්                                                           
• බටර්  මේස හැදි  2                                            
• වැනිලා  තේහැදි  1                    

සාදන  ක්‍රමය:                                             

මුලින්ම  හාල්  පිටි  ,බේකින්  පවුඩර්  එකතු  කොට 3 පාරක්  හලා ගන්න .කිරි  පිටි ,ලුනු  එකතු  කොට  හොඳින්  මිශ්‍ර  කරන්න .සීනි  බටර්  බීට්  කර,පිටි  ටික ටික  එකතු කරන්න . වැනිලා  එකතු  කරන්න.මිශ්‍රණය  ඔයිල්  පේපර් එකක් දා ගත්  ට්‍රේ එකකට දමා 180c' ප්‍ර්‍රී හීට් කර  ගත් අවන් එකක විනාඩි  30 ක් බේක්"  කර ගන්න .                                                         

Read More

Burger buns - බනිස්

• පිටි    3  1/3 cup
• සීනි   3 tbsp
• ලුනු   1 tbsp
• යීස්ට්  2 tbsp
• බටර්  3 tbsp
• බිත්තර 1
• ෆ්‍රෙශ් මිල්ක්  3 tbsp
• මද උණුසුම් වතුර 1 cup

පළමුවෙන්ම පිටි තුන් වරක් හලාගෙන එයට යීස්ට් ,සීනි ,ලුනු දමා හොදින් මිශ්‍ර කරගන්න.එයට බටර් ටිකද එකතු කරගෙන පිටි සමග හොදින් මිශ්‍ර කරගන්න.ඉන්පසු කිරි ,බිත්තර ,මද උණුසුම් ජලය එකතු කරගෙන සිනිදු ඉලස්ටික් එකක් වගේ ඇදෙන තුරු විනාඩි 20ක් පමණ හොදින් අනාගන්න.

වෙනත් භාජනයක ඔලිව් ඔයිල් තවරාගෙන පිටි මෝලිය ඩබල් සයිස් වන තුරු තබන්න.විනාඩි 45ක් පමණ.

ඩබල් සයිස් ඩෝ එක පිටි ඉස ගත් ලෑල්ලක් මත් දමා කොටස් 8කට වෙන් කරගන්න.

බේකින් ට්‍රේ එකට ඔයිල් පේපර් එකක් දමා පිටි කොටස් වලින් කුඩා බෝල සාදා තරමක් ඈතින් පිටි බෝල ටික තබා ගන්න.බෝල සෑදීමේදී මතු පිට සිනිදුව ඉරි තැලිම් නැතිව හදාගන්නා තරමට ලස්සන බනිස් ටිකක් හදාගන්න පුලුවන්.

දැන් ඒ හදාගත් පිටි බෝල තවත් පැය බාගයක් පමණ තබන්න.

ඒ මතුපිට බිත්තර සාරු ආලේප කර ඊට උඩින් තල ඇට ටිකක් ඉහගන්න.ඉන්පසුව 200 c,විනාඩි 10ක් රත් කරගත් අවන් එකේ විනාඩි 15ක් පමණ බේක් කරගන්න.(රන්වන් පාට වනතුරු)

දැන් ඉතින් හොදට නිමෙන්න තියලා ඔයාලා කැමති විදියට කැමති දේවල් එකතු කරගෙන කන්නයි තියෙන්නෙ.

Read More

වැනිලා අයිස්ක්‍රීම්

වැනිලා  අයිස්ක්‍රීම් :                        

අවශ්‍ය  වෙන්නෙ

• ෆ්‍රෙශ්  මිල්ක්  කප් 2                                       
• විප් ක්‍රීම්  කප් 1                                                  
• මිල්ක්මේඩ්  කප් 1/2                                          
• වැනිලා  තේහැදි  2  

            

වැනිලා හැර මේ  සියල්ල එකට දමා ,තවත්  බාජනයක්  ගෙන අයිස්  කියුබ්  ටිකක්  දමා ,ඊට  උඩින් මිශ්‍රණ දැමූ බාජනය තබා හයිස්පීඩ් බීට්  කරන්න .විනාඩි  10 බීට්  කර වැනිලා  දමා සුදුසු  ටබ් එකකට දමා දවසක් ෆ්‍රිජ්  එකේ උඩ කොටසේ  තබන්න .                         චොක්ලට්  අයිස්ක්‍රීම් සදහා ,කොකෝ පවුඩර්  මේස හැදි  2ක් දමා ,බීට්  කරන්න .  

ආහාර  වර්ණක,කල් තබා ගැනීමේ  ද්‍රව්‍ය  ,ජෙලටින්  මේ කිසිම  දෙයක්  මේ අයිස්ක්‍රීම්  වලට යොදා ගත්තෙ නෑ .ගොඩාක්  යාලුවන්ගෙ රෙසිපි  මම  බැලුවා .ඔයාලගෙනුත් අදහස් එකතු කරගත්තා.ඔයාලටත්  ගොඩාක්  ස්තුතියි. 

අන්තර්ජාලයෙනුත් රෙසිපිය බලලා.මම  මේ රෙසිපිය  හදාගෙන  මේ විදියට  අයිස්ක්‍රීම්  හැදුවා .ඉතින් ඔයාලත්  හදලා  බලන්න .ගොඩාක්  රසයි .පුංචි  දරුවන්ට  නම්  මේක  රසම රස වෙයි .                           දැන්  ඔයාලට  පුලුවන්  ෆිලින්  එක හදලා  මම  වගේ රස අයිස්ක්‍රීම්  එකක්  පිලිගන්වන්න .

Read More

පොල් කේක් - Coconut Cake

• පොල් ගෙඩි 1 1/2 ක පොල් (200g )  
• හකුරු 125g    
• රතු සීනි 150g 
• පිටි 150g , බේකින් පව්ඩර් තේ හැදී 1
• පොල් කිරි අඩු කෝප්ප 1/2 වගේ (50ml ගන්න)
• වැනිලා..කජු 50g
• කැමතිනම් කුරුදු කුඩු, එනසහල් කුඩු එකතු කරන්න..

මුලින්ම සීනි සහ ග්‍රේට් කරගත් හකුරු පොල් කිරි සමගින් උණු කරන්න

එයට පොල් එකතු කරන්න,වැනිලා හෝ කුරුදු කුඩු, එනසහල් කුඩු එකතු කරන්න, දැන් එය නිවෙන්න තියන්න..

*නිවුනට පසු පිටි+බේකින් පව්ඩර් සහ කපාගත් කජු එකතු කරන්න

*150C උෂ්ණත්වයෙන් පැය 1 විනාඩි 20 බේක් කලා  170C  නම් පැයක් වගේ ඇති,

Read More

අඹ මාලුව

අඹ මාලුව

අවශ්‍ය  වෙන්නේ:                                        

• අමු අඹ ගෙඩි 2                                              
• ලොකු ලූනු  ගෙඩි 1                                           
• සුදු  ලූනු  බික් 4                                                   
• කුරුදු  පොතු කැබැල්ලක්                                 
• පොල් කිරි  අවශ්‍ය  පමණ                               
• එනසාල්,කරාබු නැටි 2,3 ක්                             
• ලුනු,සීනි  අවශ්‍ය  පමණ                                    
• කහ ස්වල්පයක්                                             
• මිරිස්  කුඩු මේස හැදි  2                     
• ගම්මිරිස්  ඇට තේහැදි  1                   
• තුනපහ  කුඩු  මේසහැදි 1 1/2 +  1/2             
• බැදීමට  පොල්  තෙල්                                  
• උලුහාල් ඉතාම  ස්වල්පයක්                          
• රම්පේ , කරපිංචා    ,
• අබ තේහැදි  1                               

සාදන ක්‍රමය :           

                             අඹ සෝදා  ඇටය සමග තීරු කපා  ගන්න .කහ ලුනු  ටිකක්  අත ගා ගැඹුරු  තෙලේ බැද   ගන්න . ඒක බැදෙනකල් ලොකු  ලූනු  ලියා ගන්න.සුදු  ලූනු ,එනසාල්  ,කරාබු  නැටි තලා ගන්න .වෙලාවක් නෑ .කර වෙනකල් නෙවි සාමාන්‍ය  ලෙස  තැම්බෙනකල් බැද  ගන්න .මිරිස් කුඩු  හැදි  2න් 1 ක් හා තුනපහ හැදි 1 1/2 එකතුකොට බැද  ගන්න .කලුපාට  වෙන්න.(ගොඩාක්  එපා.නැත්නම්  තිත්ත රස වෙනව.) අඹ බැද  ගත් තෙල් වලින්  ටිකක්  ගෙන ලිප තබා  රත් වෙද්දී අබ සුදු  ලූනු ,ලොකු  ලූනු,එනසාල්  එකතු  කරන්න .

ඊට  පසු බැද ගත් අඹ  සහ බැද ගත් තුනපහ එකත්  කරන්න .ලුනු සීනි ද එකතු කරන්න .කුරුදු  පොතු,ගම්මිරිස්  එකතු  කර .පොල් කිරි  ද එකතු කරන්න .දැන්  මද ගින්නේ උයා ගන්න .මේඅතර ඉතිරි  තුනපහ කුඩු හැදි  1/2,මිරිස් හැදි 1 එකතු   කර ලුනු  සීනි  රස බලා හොඳින්  තෙල්  පෑදී එද්දී  රම්පේ ,කරපිංචා  දමා  ලිපෙන්  බා ගන්න .

මේක  ඉතින්  රස  දැන්  නෙවි .හෙට  අනිද්දට තමයි .  විශේෂයෙන් අඹ බදින්නේ ඇඹුල්  ගතිය  අඩු කරන්න .නොබදින තුනපහ  ,මිරිස්  එකතු කලේ නව රසක්  එක් කරන්න . කරපිංචා ,රම්පේ  බාන්න කිට්ටුව  දැම්මේ  රස,සුවද  සුරැකෙන්න.      

Read More

කොකන්ට් චොකෝ බෝල්ස් - "Coconuit Choko Balls"

අවශ්‍ය ද්‍රව්‍ය:                                                

• පාන් පිටි කප් 2                                          
• ගාගත් පොල් කප් 2                                     
• සීනි  කප් 2                                                            
• වතුර  කප් 1 1/2                                            
• වැනිලා තේ හැදි 1                                 
• කලරින් බ්න්දුවයි.                                           
• කුකින් චොක්ලට්  අවශ්‍ය  පමණ                   
• කිරි කප් 1 1/2                                                    
• බටර් තේ හැදි 1       

                                      

සාදන  ක්‍රමය:                                                    

සීනි වතුර  දමා හොදින්  උනු කරන්න.පැනි නූල් මෙන් ඇදෙන විට පොල්,පිටි,කලරින් ,වැනිලා ,කිරි එකතු  කර හොඳින් පැනි හින්දවාගෙන  ගනකම් වෙද්දි ලිපෙන්  බා ගන්න .යන්තමින්  රස්නෙ තියෙද්දී කුඩා බෝල සාදා ගන්න.කුකින්  චොක්ලට් වලට බටර්  දමා  ඩබල් බොයිල් ක්‍රමයට දිය  කරගෙන සාදා ගත් බෝල එය තුල ගිල්වා ගන්න. ඉන් පසු ෆ්‍රිජ් එකේ විනාඩි  15 තබා ඉන් පසු  කොකන්ට් චොකෝ  බෝල්ස්"  රස බලන්න  පුලුවන් .  

Read More

ෆිලින් කප්ස් Filling cups

ෆිලින් කප්ස්

අවශ්‍ය දෙවල් ;

• පාන්  පිටි 225g                                         
• යිස්ට් තේහැදි  1                                                   
• බටර්  15 g                                          
• බිත්තර 1 g                        
• මද රස්නේ කිරි 80 ml ( කිරි දානකොට ටික ටික දමා මිශ්‍ර කර ගන්න )
• සිනි  30 g  ( රස අනුව දමා ගන්න )
• ලුනු ස්වල්පයක්

පිටි ටික ලොකු බදුනකට දමා එයට සිනි / ලුණු / බිත්තරය / මෙල්ටඩ් බටර්/ යීස්ට් දමා එයට කිරි  ටික  ටික  දමමින් විනාඩි  10 හොදින් අනා ගන්න .මෙය තෙත රෙදි කඩකින්  වසා තවත්  විනාඩි  10 ක් තබා පිටි ඉස ගත් ලෑල්ලක  තබා නැවත  හොදින්  අනා ගෙන කුඩා ගනකම්  නොවන රවුම්  සාදා ගන්න .      

දැන් මේ  රවුම් කුඩා  තෙල්  ටිකක්  ගා ගත්  ඇලුමිනියම්  ස්පන්චි කප් එක ඇතුලට  දමා ඒහැඩය ට ඩෝ එක සාදා ගන්න .( ජායාරූපයේ පෙනෙන  පරිදි )අවශ්‍ය පමණ සාදා  ගෙන ප්‍රී හීට්  කර ගත් අවන්  එකක 180c'  විනාඩි  10 බේක්  කරන්න .යාන්තමට  රන්වන්  පාට  වෙද්දි  අවන්  එකෙන්  ඉවත්  කර නිවෙන්නට  තබන්න .දැන්  කප් එක සාදා  අවසානයි .ඔබට අවශ්‍ය  රසවත්  අතුරුපසක්  පුරවා ගත හැකිය .

Read More

ස්නෝවයිට් ඩාක් චොක්ලට් කේක් - Dark Chocolate Cake for Christmas

 

 

ඩාක් චොක්ලට්  කේක්

අවශ්‍ය  ද්‍රව්‍ය :

• පාන් පිටි  කප්   2/3
• කොකෝවා පවුඩර්   1/3
• සීනි  2/3
• බේකින්  සෝඩා  තේහැදි   3/4
• බේකින්  පවුඩර්  ඉතේහැදි   3/4
• ලුණු  චුට්ටක්
• බිත්තර  1
• කිරි කප්  1/4
• තෙල්  මේස හැදි 3 (මම  දැම්මේ  පොල්  තෙල් )
• වැනිලා  තේහැදි  1/2
• (මම  ගත්තෙ  පොඩි  කේක්  එකක ප්‍රමානයන්. ඔයාලට  පුලුවන්  වැඩි කර ගන්න)

සාදන  ක්‍රමය :

සීනි  වලට බිත්තරය දමා හොදින්  මිශ්‍ර  කරන්න.මේකට බීටර්  එකක්  අවශ්‍ය  නෑ.විස්ක් අතින් මිශ්‍ර කරන්න. තෙල්  දමා ගන්න.කිරි ,වැනිලා,ලුණු දමා හොදට මිශ්‍ර කරන්න. පිටි වලට කොකෝවා පවුඩර්, බේකින්  සෝඩා, බේකින් පවුඩර් දමා හලාගෙන එය මිශ්‍රණයට ටික ටික එකතු කරන්න. ට්‍රේ එකක් ගෙන බටර් තවරා ගන්න. දැන් අවන් එක 180 c ප්‍රි හීට් කර ගන්න. විනාඩි 30, 35 බේක් කර නිවා ගන්න. දැන්  තමන්  කැමති  හැඩ කපා කේක් එක මත තබන්න. ඉන් පසු ඊට උඩින් අයිසින්  ශුගර් හලා ගන්න. දැන්  පරිස්සමින් අර හැඩ ටික  ඉවත්  කරන්න. ඔන්න ඉතින්  "ස්නෝවයිට් ඩාක් චොක්ලට් " එක සූදානම්  නත්තල සමරන්නට.

Read More

පාන්,පේස්ට්‍ර් - Bread and Pastries

පාන්,පේස්ට්‍ර්

අවශ්‍ය  වෙන්නේ:                                   

• පාන්  පිටි 500 g                                           
• බටර්  30 g                                                      
• බිත්තර  1                                                      
• ලුනු චුට්ටක්                                                       
• සීනි  50 g                                                         
• කිරි  පිටි තේහැදි  2                                     
• යීස්ට් තේහැදි  1                                                
• මද උනුසුම්  වතුර  ටී කප්  ,3/4 ,1 (එකයි  තුන් කාලක්) 

 සාදන  ක්‍රමය:

මුලින්ම මද උනුසුම් වතුර  කප් 3/4  ගෙන එයට  ඊස්ට්  හා සීනි  දමා  හොඳින්  දිය  කර පිපෙන්නට තබන්න .  පාන් පිටි  ටික හොදට  අනා ගන්න ඉඩ තියන ලෑල්ලක් හෝ බාජනයක්  ගන්න .පිටි  ටිකට ලුනු හා කිරි  පිටි  දමා  හොදින්  මිශ්‍ර  කරන්න .එය මැද වලක් සාදන්න. ඉන් පසු එයට  දිය  කර  ගත්  යීස්ට්   ටික දමා  හොදින්  අනන්න .බටර්  ටිකද එකතු  කරන්න . ඉතිරි  වතුර  ද  ටික  ටික දමා විනාඩි  15 හොඳින්  අනන්න .දැන්  මෙය තෙත  රෙදි කඩකින්  වසා පැයක්  පිපෙන්නට  තබන්න . 

ඉන් පසු  පිටි  මෝලිය දෙගුණයක්  විශාල වී තිබෙනු පෙනේ.නැවත   හොඳින්  අනා ගන්න .අවශ්‍ය  ප්‍රමාණයට බෝල  සාදා  (බෝල  10, 12 ක් සෑදිය  හැක.) මෙයද විනාඩි  10 වසා තබා ඔයිල්  පේපර්  එකක් දමා  ගත් ට්‍රේ  එකකට පිටි  ටිකක් ඉස ඒමතට සාදා  ගත් මාලු  පාන්, පේස්ට්‍ර් ,කිබුල  බනිස් ,බර්ගර්  බන් ආදී කෑම  වර්ග  උඩින් , බිත්තර කහ මදය බ්‍රශ් එකකින් ආලේප  කරන්න .උඩින් සීනි  හෝ,තල ඇට ඉස ගත හැක.  උශ්නත්වය  190c'  ප්‍රි හීට්  කරගත් අවන්  එකක විනාඩි  15 ,20 බේක්"  කරන්න .උශ්නත්වය  සැරෙන් සැරේ බලන්න .අවන්  වර්ග  එකිනෙකට  වෙනස් වන නිසා.  

පාන් සාදන්නේත් මේ  රෙසිපියටමයි.තැටියේ බටර්  ආලේප කරන්න .වෙලාව පැයක්  පමණ  බේක්"  කරන්න.

Read More